Cerita Lucu Dari Manado



Cerita Lucu Dari Manado 

Depe Nama Nangka

Ada ini sopir mikro (angkot) jurusan Aermadidi-Kauditan orang Advent (aliran agama Kristen yg melarang makan babi). Waktu ba muat penumpang di hari pasar Aermadidi, ca' so bilang memang pa calon penumpang, nimbole muat boke (babi) pa depe oto.

Datang ini oom bawa karong kong dia iko muat di oto. Tu sopir yang curiga langsung batanya deng oom, "Apa di dalam karong, oom?" Itu oom langsung
manyao, "Nangka."

Lantaran kita pe oto langsung fol (penuh) waktu itu oom nae, jadi sopir langsung berangkat.

Oto so bajalan agak jao kong tu karong rupa ba bagerak. Sopir langsung ba tengo ke belakang. "Oom! Ada bagerak tu karong tadi?". Oom bilang, "Nyanda egh! Cuma sopir p perasaan itu."

Lanjut perjalanan. Pas sampe di Kaima ada jalan lobang kong oto ta tada di jalan lobang. Tiba-tiba dapa dengar bunyi suara akang seperti ini "Grrok.. Uikk.." dari arah karong, kong jelas-jelas dapa lia itu karong balumpa. Sopir langsung brenti kong ba marah pa oom.

Sopir: "Boke itu kang?"
Oom : "I-iyo..."
Sopir: "Tadi kwa bilang nangka!! Ba towo (dusta) oom ini egh!"
Oom : "Nyanda eh! Ini boke pe nama Nangka!"

Baca juga : 

  1. Cerita Mop Papua Paling Lucu
  2. Angkot Misterius Di Sentani
  3. MOP Papua Lucu, Terbaru
     


Sumber : https://www.ketawa.com/2009/10/6355-depe-nama-nangka.html


Subscribe to receive free email updates:

0 Response to "Cerita Lucu Dari Manado"

Post a Comment

Silahkan sampaikan komentar anda, asal jangan nyepam disini loh yah!